بالصور.. «خناقة» بين النشطاء بسبب صورة مبارك «حي» (فيتشر)

نشرت صفحة «آسف ياريس»، على موقع «فيس بوك»، صورة للرئيس الأسبق محمد حسني مبارك، رفقة مواطن كويتي يُدعى يزيد بن مشعل السعيد، ردًا على شائعات وفاته التي ترددت خلال الفترة الماضية. وعلّقت الصفحة على الصورة قائلةً: «أحدث صورة للسيد الرئيس محمد حسني مبارك من منزله اليوم أثناء استقباله للسيد يزيد بن مشعل السعيد من دولة الكويت الشقيقة.. الهيبة يا جماعة». أثارت الصورة جدلًا بين النشطاء، الذين اختلفوا بين مؤيد للرئيس السابق ومعارضيه، وقال خالد محمد: «تخيلوا كده إن الراجل ده خارج من وسط ثورة، واللي ثاروا عليه بين هارب ومسجون، وهو بسياسته وذكاءه ومن غير ما يدخل بلده في حرب أهليه ولا يتمسك بالسلطة، قاعد بكرامة وشموخ في بيته». وقال علاء العربي: «ترشح يا ريس صدقني أنت بطل وعلم وحبك للبلد هو اللي خلها واقفة على أقدامها مش ريس موجود ولا وزير شديد لا أنت السبب بردو أن الناس دي كلها عايشه ويخرب بيت ابو اللي عمل نكسه يناير منهم لله وللعلم هما بيندموا ياريس لأنهم بيشحتو دلوقتي». فيما قالت نادية مؤمن: «أنتم مصدقين أنفسكم وما تكتبوا بجد. اتقوا الله ده لو كان بني عشر عمارات في السنة. يعني في الثلاثين سنه اللي قعدهم يمكن حال العشوائيات ما كان وصل إلى ما هو عليه الآن. وغيره وغيره. اتقوا ربكم لما انتم فيه الآن». بينما قال حسان الدين: «هيبة إيه اللي في عهده وعهده انتشر فيه الفساد والنهارده واحد بس من عصابته أحمد عز بيرد مليار وسبعمائة مليون من اللي اتنهبوا في عهده واحد بس ومين اللي أتربى الإخوان واتوحشوا في عهده واخترقوا كل البلد والأنفاق والإرهابيين اللي استوطنوا سيناء في عهده وتدهور الصحة والتعليم».

مصدر الخبر